មីយ៉ាន់ម៉ា និងអាហ្វហ្គានីស្ថាន មិនត្រូវបានអនុញ្ញាតឲ្យថ្លែងសុន្ទរកថានៅអង្គការសហប្រជាជាតិ

មីយ៉ាន់ម៉ា និងអាហ្វហ្គានីស្ថាន មិនត្រូវបានអនុញ្ញាតឲ្យថ្លែងសុន្ទរកថានៅអង្គការសហប្រជាជាតិ

នៅក្នុងសម័យប្រជុំលើកទី៧៦ នៃមហាសន្និបាតអង្គការសហប្រជាជាតិ បានធ្វើឡើងចាប់ពីថ្ងៃទី២១ ខែកញ្ញា ឆ្នាំ២០២១ និងត្រូវបានបិទបញ្ចប់នៅថ្ងៃទី២៧ ខែកញ្ញា ឆ្នាំ២០២១។ របបសឹកមីយ៉ាន់ម៉ា បានតែងតាំងអតីត​ទាហាន​ម្នាក់កាលពីខែ​ឧសភា​ដើម្បី​ជំនួស​កន្លែង​លោក Kyaw Moe Tun ដែលលោកមិនត្រូវបានអនុញ្ញាតឲ្យថ្លែងសុន្ទរកថាដោយ សហរដ្ឋអាមេរិក ចិន និងរុស្ស៊ី។ ចំណែកឯក្រុមតាលីបង់ ដែលកំពុងតែក្ដោបក្ដាប់អំណាចនៅប្រទេសអាហ្វហ្គានីស្ថាន ក៏បានតែងតាំងលោក Suhail Shaheen ដែលជាអ្នកនាំពាក្យដែលមានមូលដ្ឋាននៅទីក្រុង​ Doha ប្រទេសកាតា ជាអ្នកតំណាងថ្មីរបស់អាហ្វហ្គានីស្ថានប្រចាំនៅអង្គការសហប្រជាជាតិ។

អ្នកតំណាងមីយ៉ាន់ម៉ា និងអាហ្វហ្គានីស្ថាន នឹងត្រូវថ្លែងសុន្ទរកថា នៅថ្ងៃចុងបញ្ចប់នៃសម័យប្រជុំលើកទី៧៦ នៃមហាសន្និបាទអង្គការសហប្រជាជាតិ។ ប៉ុន្តែ អ្នកតំណាង​ថ្មី​​របស់ពួកគេ​ ក៏​នៅ​មិន​ទាន់​ត្រូវ​បាន​អង្គការ​សហប្រជាជាតិ​បោះឆ្នោតទទួលស្គាល់ជាផ្លូវការនៅឡើយទេ។

គួរ​បញ្ជាក់​ថា ការ​ទទួល​ស្គាល់អ្នក​តំណាងថ្មី​របស់​មីយ៉ាន់ម៉ា និង​អាហ្វហ្គានីស្ថាន​ត្រូវ​ឆ្លង​កាត់​តាម​កុងសង់ស៊ីស​របស់​គណៈកម្មការ​អង្គការសហប្រជាជាតិ។ ដូច្នេះ ប្រទេសមីយ៉ាន់ម៉ា និងអាហ្វហ្គានីស្ថានគ្មានសំឡេង​សម្រាប់​មហាសន្និបាត​អង្គការ​សហប្រជាជាតិ​លើកទី៧៦ ឆ្នាំ ២០២១ នេះ​ទេ។