អង្ករកម្ពុជាដែលធ្លាប់បានឈ្នះពានរង្វាន់អន្តរជាតិចំនួន ៥ដង បង្ហាញវត្តមានក្នុងពិព័រណ៍អន្តរជាតិនៅទីក្រុងប៉ារីស

កម្មវិធីតាំងពិព័រណ៍ម្ហូបអាហារអន្តរជាតិកម្រិតពិភពលោក Salon International de l’Alimentation (SIAL) Parisនៅទីក្រុង ប៉ារីសប្រទេសបារាំងបានប្រព្រឹត្តទៅចាប់ពីថ្ងៃទី១៩ ដល់ថ្ងៃទី២៣ ខែតុលា ឆ្នាំ២០២៤។មានក្រុមហ៊ុនចំនួន ៧ ៨០០ ក្រុមហ៊ុន មកពី ១៣០ ប្រទេសបានមកចូលរួមតាំងពិព័រណ៍ និងមានផលិតផលចំនួន៤សែនប្រភេទត្រូវបានបង្ហាញ ជាមួយនឹង អ្នកទស្សនាអាជីពជាង២៨ម៉ឺននាក់។ជាមោទកភាពកម្ពុជាក៏បានចូលរួមបង្ហាញផលិតផលអង្ករល្អបំផុតរបស់ខ្លួនក្នុងព្រឹត្តិការណ៍ កម្រិតពិពលោកនេះដែរ។

សូមជម្រាបថា កាលពីចុងសប្ដាហ៍កន្លទៅនេះ សហព័ន្ធស្រូវអង្ករកម្ពុជាបានដឹកនាំសមាជិកចំនួន១២ក្រុមហ៊ុនដែលជាក្រុមហ៊ុន នាំចេញអង្ករធំរបស់កម្ពុជាចូលតាំងបង្ហាញអង្ករល្អបំផុតជាពូជស្រូវផ្ការំដួលរបស់កម្ពុជានិងធ្លាប់បានឈ្នះពានរង្វាន់អន្តរជាតិចំនួន៥ដងនិងអង្ករសែនក្រអូបដែលធ្លាប់បានឈ្នះពានមាសនៅប្រទេសចិនទៅចូលរួមក្នុងកម្មវិធីតាំងពិព័រណ៍ម្ហូបអាហារអន្តរជាតិកម្រិតពិភពលោកសម្រាប់ឆ្នាំ២០២៤ នេះ ។

ជាមួយរូបភាពជាច្រើនសន្លឹកលើបណ្ដាញសង្គមផ្លូវការនាព្រឹកថ្ងៃទី២២ ខែតុលានេះសហព័ន្ធស្រូវអង្ករកម្ពុជាគូសរំលេចថាជាការចូលរួមលើកទី២ របស់សហព័ន្ធស្រូវអង្ករកម្ពុជា ខណៈលើកទី១ គឺនៅឆ្នាំ២០១៤និងលើកទី២នៅឆ្នាំ២០២៤ ជាខួបលើកទី៦០ នៃព្រឹត្តិការណ៍ម្ហូបអាហារអន្តរជាតិ SIAL Paris នេះផងដែរ។

គេបានដឹងជាសកលថាកម្មវិធីពិព័រណ៍អន្តរជាតិនេះបានក្លាយជាវេទិកាមួយសម្រាប់ឧស្សាហកម្មម្ហូបអាហារទាំងមូលនិងជាមជ្ឈមណ្ឌលសំខាន់មួយសម្រាប់ការផ្គត់ផ្គង់ ក៏ដូចជាតម្រូវការអាហារពិភពលោកដោយផ្តោតលើការច្នៃប្រឌិតផ្នែកចំណីអាហារ និងភេសជ្ជៈ។

បើយោងតាមប្រភពសហព័ន្ធស្រូវអង្ករកម្ពុជា កម្មវិធីតាំងពិព័រណ៍ម្ហូបអាហារអន្តរជាតិ SAIL Paris ឆ្នាំ២០២៤ នេះ មានក្រុមហ៊ុនចំនួន ៧ ៨០០ ក្រុមហ៊ុន មកពី ១៣០ ប្រទេសបានមកចូលរួមតាំងពិព័រណ៍ និងមានផលិតផលចំនួន ៤សែនប្រភេទ ដែលជាផលិតផលផ្នែកចំណីអាហារ ភេសជ្ជៈ គ្រាប់ធញ្ញជាតិ ។ល។ និងមានអ្នកទស្សនាអាជីពចំនួន (Trade Visitor) ២៨៥ ០០០នាក់ មកពីជាង២០០ ប្រទេស ដែលក្នុងនោះក្រុមហ៊ុនអន្តរជាតិលំដាប់អន្តរជាតិធំៗ (Top Buyer) ចំនួនជាង ៨ ០០០ ក្រុមហ៊ុន ដែលមានសមត្ថភាពទិញ (Purchasing Power) ក្នុងទំហំទឹកប្រាក់ ៥០បីលាន អឺរ៉ូ (50 Billion Euro) ក៏បានចូលរួមផងដែរ។

នៅក្នុងកម្មវិធីដ៏មានសារៈសំខាន់នេះដែរ ពន្លាសហព័ន្ធស្រូវអង្ករកម្ពុជា ក៏ទទួលបាននូវកិត្តិយស និងការគាំទ្រតាមរយ:ការ ចូលរួមទស្សនាដោយផ្ទាល់ពីថ្នាក់ដឹកនាំរបស់រាជរដ្ឋាភិបាលកម្ពុជា ជាពិសេសក្រសួងពាណិជ្ជកម្ម ដែលមានឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម ឯកឧត្តម ងិន ឆាយប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម នៃក្រសួងកសិកម្មរុក្ខាប្រមាញ់ និងនេសាទ តំណាងសហគ្រិនខ្មែរ តំណាងគម្រោង Feed the Future Harvest IIIនិងភ្ញៀវអន្តរជាតិជាច្រើនទៀត។

សូមជម្រាបជូនថា ការចូលរួមរបស់សហព័ន្ធស្រូវអង្ករកម្ពុជា និងសមាជិក ត្រូវបានចូលរួមគាំទ្រដោយ សហគ្រិនខ្មែរ (Khmer Enterprise) នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងគម្រោងរបស់ទីភ្នាក់ងារសហរដ្ឋ អាមេរិកសម្រាប់អភិវឌ្ឍន៍អន្តរជាតិ (USAID) តាមរយៈគម្រោង Feed the Future Cambodia Harvest III។

ក្រុមហ៊ុននាំចេញអង្ករទាំង១២ ដែលបានចូលរួមតាំងពិព័រណ៍រួមមាន៖

1. KOMPONGTHOM RICE MILL LIMITED

2. DAILY FRESH FOODS (CAMBODIA) CO., LTD.

3. EANG HEANG IMPORT EXPORT CO., LTD.

4. SIGNATURES OF ASIA CO., LTD.

5. CITY RICE IMPORT EXPORT CO., LTD.

6. FEDRICE BATTAMBANG LTD.

7. LOR EAK HENG SEK MEAS CO., LTD.

8. INDOCHINA RICE MILL LIMITED

9. AMRU RICE (CAMBODIA) CO., LTD.

10. KHMER FOODS GROUP CO., LTD.

11. PRIMALIS CORPORATION LTD.