លោក ស៊ី ជីនពីង និយាយថានៅចំពោះមុខស្ថានការណ៍ក្នុងតំបន់ និងអន្តរជាតិ ប្រទេសចិន និងអ៊ីរ៉ង់ តែងតែគាំទ្រគ្នាទៅវិញទៅមក

ប្រធានាធិបតីចិន លោក ស៊ី ជីនពីង (Xi Jinping) បានផ្ញើសារទៅកាន់ លោក ម៉ាស៊ូដ ប៉េហ្សេស្កាន (Masoud Pezeshkian) ដោយអបអរសាទរលោកក្នុងការបោះឆ្នោតជាប្រធានាធិបតីអ៊ីរ៉ង់។

លោក ស៊ី បាននិយាយថា ប្រទេសចិន និងអ៊ីរ៉ង់ រីករាយជាមួយប្រវត្តិសាស្រ្តដ៏យូរអង្វែងនៃការផ្លាស់ប្តូរមិត្តភាព ហើយទំនាក់ទំនងទ្វេភាគីបានរក្សាបាននូវការអភិវឌ្ឍយ៉ាងរឹងមាំ និងស្ថិរភាព ចាប់តាំងពីការបង្កើតទំនាក់ទំនងការទូតរវាងប្រទេសទាំងពីរកាលពីជាងកន្លះសតវត្សមុន។

លោក ស៊ី បាននិយាយថា នៅចំពោះមុខស្ថានការណ៍ក្នុងតំបន់ និងអន្តរជាតិដ៏ស្មុគស្មាញ ប្រទេសចិន និងអ៊ីរ៉ង់ តែងតែគាំទ្រគ្នាទៅវិញទៅមក និងធ្វើដំណើរជាមួយគ្នាតាមរយៈការពង្រឹងទំនុកចិត្តគ្នាទៅវិញទៅមកជាយុទ្ធសាស្ត្រ ជំរុញការផ្លាស់ប្តូរ និងកិច្ចសហប្រតិបត្តិការលើគ្រប់វិស័យប្រកបដោយស្ថិរភាព ព្រមទាំងរក្សាទំនាក់ទំនងល្អ និងការសម្របសម្រួលលើកិច្ចការតំបន់ និងអន្តរជាតិដែលមិនត្រឹមតែផ្តល់ផលប្រយោជន៍ដល់ប្រជាជនទាំងពីរប៉ុណ្ណោះទេ ប៉ុន្តែថែមទាំងបានរួមចំណែកជាវិជ្ជមានក្នុងការលើកកម្ពស់សន្តិភាព និងស្ថិរភាពក្នុងតំបន់ និងពិភពលោក។

ប្រធានាធិបតីចិនបាននិយាយថា លោកយកចិត្តទុកដាក់យ៉ាងខ្លាំងចំពោះការអភិវឌ្ឍទំនាក់ទំនងចិន-អ៊ីរ៉ង់ ហើយមានឆន្ទៈធ្វើការជាមួយលោក បេហ្សេស្កាន ដើម្បីដឹកនាំការធ្វើឱ្យស៊ីជម្រៅនៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ៕

ប្រភព៖ ក្រសួងព័ត៌មាន