ក្នុងឆ្នាំ ២០២៣ ធនាគារជាតិម៉ាឡេស៊ីទទួលបានប្រាក់ចំណេញចំនួន ១,៥១ ពាន់លានដុល្លារ

ធនាគារជាតិម៉ាឡេស៊ី បានកត់ត្រាប្រាក់ចំណេញសុទ្ធបន្ទាប់ពីបង់ពន្ធចំនួន ៧,១៦ ពាន់លានរីងហ្គីត (១,៥១ ពាន់លានដុល្លារអាមេរិក) សម្រាប់ឆ្នាំហិរញ្ញវត្ថុដែលបានបញ្ចប់នៅថ្ងៃទី៣១ ខែធ្នូ ឆ្នាំ ២០២៣ ដែលខ្ពស់ជាងបន្តិចក្នុងឆ្នាំ ២០២២ ដែលមានចំនួន ៦,៩៩ ពាន់លានរីងហ្គីត។

នេះបើយោងតាមការចេញផ្សាយដោយសារព័ត៍មាន Xinhua។ ធនាគារ Negara Malaysia (BNM) បាននិយាយនៅក្នុងសេចក្តីថ្លែងការណ៍មួយថា ប្រាក់ចំណេញត្រូវបានជំរុញដោយប្រាក់ចំណូលសរុបជាង ៨,៧៧ ពាន់លានរីងហ្គីត។

ធនាគារបាននិយាយថា “ដោយសារតែទុនបម្រុងអន្តរជាតិរបស់យើងជារូបិយប័ណ្ណបរទេស វាជាការចាំបាច់សម្រាប់ BNM ដើម្បីធានាថាទុនបម្រុងហានិភ័យគឺគ្រប់គ្រាន់ដើម្បីទប់ទល់នឹងការប្រែប្រួលទីផ្សារហិរញ្ញវត្ថុ និងការប្រែប្រួលនៃអត្រាប្តូរប្រាក់បរទេស”៕

ប្រភព៖ ​ក្រសួងព័ត៌មាន