សម្តេចតេជោ ហ៊ុន សែន ៖ «ខ្ញុំសូមអបអរសាទរក្រុមជម្រើសជាតិកម្ពុជា ដែលទទួលបានជ័យជំនះលើក្រុមកីឡាករកោះហ្គាំ របស់សហរដ្ឋអាមេរិក ដោយលទ្ធផល ១ ទល់ ០ ក្នុងជំនួបជើងទី១ វគ្គជម្រុះពានរង្វាន់ AFC Asian Cup China 2023 នៅកីឡដ្ឋាន Khalifa Sport City ប្រទេសបារ៉ែន»។
សូមបញ្ជាក់ថា សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា នឹងឧបត្ថម្ភប្រាក់លើកទឹកចិត្តចំនួន ១០ម៉ឺនដុល្លារ ដល់ក្រុមជម្រើសជាតិកម្ពុជា ប្រសិនបើអាចឡើងវគ្គបន្ដ។
ចំណែក ឯកឧត្តមនាយឧត្តមសេនីយ៍ សៅ សុខា ប្រធានសហព័ន្ធកីឡាបាល់ទាត់កម្ពុជា បានប្រកាសឧបត្ថម្ភ ៥ ០០០ដុល្លារ សម្រាប់ការស៊ុតបញ្ចូលទី ១គ្រាប់ ក្នុងជំនួបវគ្គជម្រុះដណ្ដើមកៅអីវគ្គចែកពូលជុំទី៣ ជាមួយកោះហ្គាំនេះ។
ប្រភព៖ AKP News