គិតត្រឹមថ្ងៃទី២៥ ខែធ្នូ មនុស្សជាង ៩.៩០០នាក់នៅក្នុងប្រទេសម៉ាឡេស៊ីត្រូវបានជម្លៀសចេញដោយសារតែទឹកជំនន់បន្ទាប់ពីមានភ្លៀងធ្លាក់ខ្លាំង។
យោងតាមនាយកដ្ឋានសុខុមាលភាពសង្គមរបស់ប្រទេសម៉ាឡេស៊ី បានឱ្យដឹងថា អ្នកជម្លៀសកំពុងត្រូវបានដាក់នៅក្នុងមជ្ឈមណ្ឌលសង្គ្រោះទឹកជំនន់ចំនួន១២១ នៅក្នុងរដ្ឋចំនួនបួន។រដ្ឋកេឡាន់តាន់ បានរាយការណ៍ពីករណីស្លាប់កុមារ ៣នាក់ដោយសារតែគ្រោះថ្នាក់ក្នុងអំឡុងពេលទឹកជំនន់។ រដ្ឋនោះបានអំពាវនាវឱ្យប្រជាពលរដ្ឋបង្កើនការប្រុងប្រយ័ត្ន យកចិត្តទុកដាក់បន្ថែមទៀតចំពោះសុវត្ថិភាពរបស់កុមារ និងអនុវត្តតាមការណែនាំរបស់រដ្ឋាភិបាល។យោងតាមនាយកដ្ឋានឧតុនិយមរបស់ប្រទេសម៉ាឡេស៊ី បានឱ្យដឹងថា ប្រទេសនេះកំពុងជួបប្រទះនូវខ្យល់មូសុងឦសាន ដែលជាធម្មតាមានរយៈពេលចាប់ពីខែតុលាដល់ខែមីនា។នាយកដ្ឋានបានចេញការព្រមានអំពីភ្លៀងធ្លាក់សម្រាប់រយៈពេលដ៏យូរនៃខ្យល់បក់ខ្លាំងនៅក្នុងរដ្ឋឆ្នេរសមុទ្រភាគខាងជើង និងភាគខាងកើតរបស់ប្រទេស។ ទន្ទឹមនឹងនេះដែរ ប៉ូលិសម៉ាឡេស៊ីមានការប្រុងប្រយ័ត្នខ្ពស់ និងជំរុញឱ្យប្រជាជនបន្តអនុវត្តតាមការណែនាំសុវត្ថិភាពអំឡុងពេលគ្រោះទឹកជំនន់៕
ប្រភព៖ ក្រសួងព័ត៌មាន
