ខេត្តសានទុងដែលជាមហាអំណាចសេដ្ឋកិច្ចរបស់ប្រទេសចិននៅភាគខាងកើត បានគ្រប់គ្រងការធ្វើដំណើរតាមខ្សែរថភ្លើងដឹកទំនិញចិន-អឺរ៉ុបចំនួន ២.៥០០ជើងមកដល់ពេលនេះក្នុងឆ្នាំនេះ ដែលបានកើនឡើងពីការធ្វើដំណើរចំនួន ២.០៥៧ជើងដែលបានធ្វើឡើងពេញមួយឆ្នាំ២០២២។
កាលពីថ្ងៃអង្គារ ការធ្វើដំណើរតាមខ្សែរថភ្លើងដឹកទំនិញជើងទី២.៥០០ សម្រាប់ឆ្នាំ២០២៣ ដែលផ្ទុកដោយឧបករណ៍ចំនួន ១.៤០០តោន រួមទាំងម៉ាស៊ីនត្រជាក់ ទូរទឹកកក និងម៉ាស៊ីនទឹកក្ដៅ បានចេញដំណើរពីទីរួមខេត្តជីណានឆ្ពោះទៅកាន់ទីក្រុងតាសខេន រដ្ឋធានីរបស់ប្រទេសអ៊ូសបេគីស្ថាន។
យោងតាមក្រុមហ៊ុន Shandong Hi-Speed Group ដែលជាប្រតិបត្តិករនៃសេវាកម្មនោះបានឱ្យដឹងថា មានឃ្លាំងស្តុកចំនួន៤ ត្រូវបានបង្កើតឡើងនៅក្នុងប្រទេសអាល្លឺម៉ង់ ប៉ូឡូញ ស៊ែរប៊ី និងអ៊ូសបេគីស្ថាន ដើម្បីជំរុញការអភិវឌ្ឍនៃការប្រមូលផ្តុំនៅក្រៅប្រទេស និងប្រព័ន្ធចែកចាយ និងជួយដល់ក្រុមហ៊ុនអាជីវកម្មក្នុងការកាត់បន្ថយថ្លៃដើមដឹកជញ្ជូន។
ក្នុងរយៈពេលប៉ុន្មានឆ្នាំចុងក្រោយនេះ ខេត្តសានទុងបានបើកដំណើរការរថភ្លើងពិសេសដើម្បីដឹកជញ្ជូនទំនិញពាណិជ្ជកម្មឆ្លងព្រំដែនសម្រាប់យានយន្ត សារធាតុគីមី និងសំបកកង់។ យោងតាមប្រតិបត្តិករនោះ បានឱ្យដឹងថា ចំនួនការធ្វើដំណើរតាមខ្សែរថភ្លើងពិសេសសរុបដែលចេញដំណើរពីខេត្តនេះមានលើសពី ២០០ជើងក្នុងឆ្នាំ២០២៣ នេះ៕
ប្រភព៖ ក្រសួងព័ត៌មាន
