ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា ប្រទេសរុស្ស៊ីបានត្រៀមខ្លួនរួចជាស្រេចក្នុងការបន្តទំនាក់ទំនងពេញលេញជាមួយសហរដ្ឋអាមេរិក ប៉ុន្តែលោកបានទទូចថា វាត្រូវតែមានមូលដ្ឋានគ្រឹះជាមុនសិន ដើម្បីសម្រួលដល់បញ្ហានេះ។
លោកប្រធានាធិបតីបាននិយាយថា «នៅពេលដែលការផ្លាស់ប្តូរជាមូលដ្ឋានមួយចំនួនកើតឡើង [នៅសហរដ្ឋអាមេរិក] ពួកគេនឹងចាប់ផ្តើមគោរពប្រជាជននៃប្រទេសដទៃទៀត ដើម្បីស្វែងរកការសម្របសម្រួលជាជាងការប្រើទណ្ឌកម្ម និងចូលរួមក្នុងប្រតិបត្តិការប្រយុទ្ធក្នុងគោលបំណងដោះស្រាយបញ្ហាផ្ទាល់ខ្លួនរបស់ពួកគេក្នុងករណីនេះ។ លក្ខខណ្ឌជាមូលដ្ឋាននឹងត្រូវបានបង្កើតឡើងសម្រាប់ការចាប់ផ្តើមឡើងវិញនៃទំនាក់ទំនងពេញលេញ។ រហូតមកដល់ពេលនេះ នៅមិនទាន់មានលក្ខខណ្ឌបែបនេះនៅឡើយទេ។ ប៉ុន្តែយើងបានត្រៀមខ្លួនរួចជាស្រេចសម្រាប់វា»។
យោងតាមលោក ពូទីន បានឱ្យដឹងថា ទីក្រុងមូស្គូជឿជាក់ថា សហរដ្ឋអាមេរិក គឺជាប្រទេសសំខាន់ និងចាំបាច់ក្នុងពិភពលោក ដូច្នេះយើងបានត្រៀមខ្លួនរួចជាស្រេចដើម្បីកសាងទំនាក់ទំនងជាមួយប្រទេសនេះ។ ប៉ុន្តែ ពួកគេកំពុងដើរតាមផ្លូវរបស់ពួកគេជាមួយនឹងនយោបាយចក្រពត្តិនិយម។ មិនមែនតាមវិធីរបស់យើងទេ ប៉ុន្តែជារបស់ពួកគេផ្ទាល់។ ហេតុអ្វី? ដោយសារតែក្នុងមនសិការសាធារណៈ ពួកគេត្រូវតែធ្វើដូចជាចក្រភព។ ហើយនៅពេលដែលពួកគេយល់ព្រមលើអ្វីមួយជាមួយនរណាម្នាក់ ឬធ្វើសម្បទានណាមួយនោះ ការបញ្ចេញមតិនានាត្រូវបានចាត់ទុកថាជាការបរាជ័យ ដូច្នេះហើយទើបឥស្សរជនកាន់អំណាចត្រូវមានអាកប្បកិរិយាបែបនេះ៕
ប្រភព៖ ក្រសួងព័ត៌មាន
