កាលពីថ្ងៃចន្ទរបបយោធាមីយ៉ាន់ម៉ាបានពន្យារពេលដាក់ប្រទេសក្នុងភាពអាសន្នរយៈពេលប្រាំមួយខែ ដែលជាសញ្ញានៃការពន្យារពេលដលការបោះឆ្នោតដែលពួកគេបានសន្យាថា នឹងរៀបចំនៅពេលយោធាប្រយុទ្ធជាមួយក្រុមអ្នកប្រឆាំងរដ្ឋប្រហារនៅទូទាំងប្រទេស។ នេះបើយោងតាមការចេញផ្សាយដោយសារព័ត៌មាន CNA។
ប្រទេសនេះត្រូវបានបំផ្លិចបំផ្លាញដោយអំពើហិង្សាយ៉ាង ធ្ងន់ធ្ងរ ចាប់តាំងពីរដ្ឋប្រហារទម្លាក់រដ្ឋាភិបាលលោកស្រី អ៊ុងសាន ស៊ូជី កាលពីជាងពីរឆ្នាំមុន ដោយបានបញ្ចេញនូវការបង្ក្រាបយ៉ាងបង្ហូរ ឈាមលើការមិនពេញចិត្តដែលបានបង្កឱ្យមានការប្រយុទ្ធគ្នានៅទូទាំងប្រទេស ខណៈកំពុងធ្វើឱ្យសេដ្ឋកិច្ចធ្លាក់ចុះ។
យោងតាមប្រព័ន្ធផ្សព្វផ្សាយរដ្ឋបានឱ្យដឹងថា ប្រមុខរដ្ឋាភិបាលលោក Min Aung Hlaing បានទទួលស្គាល់ថា ប្រជាជាតិភាគច្រើនមិនស្ថិតនៅក្រោមការគ្រប់គ្រងដោយយោធាពេញលេញនោះទេ។
ក្រុមប្រឹក្សាការពារជាតិ និងសន្តិសុខជាតិ (NDSC) ដែលជាប់គាំងដោយរបបយោធា (NDSC) បានយល់ព្រមពន្យារពេលដាក់ប្រទេសក្នុងគ្រា អាសន្ន ដែលត្រូវបានប្រកាសនៅពេលដែលឧត្តមសេនីយបានផ្តួលរំលំរដ្ឋាភិបាលរបស់លោកស្រី អ៊ុងសាន ស៊ូជី។
លោក Myint Swe ប្រធានាធិបតីស្តីទីបាននិយាយថា “ស្ថានភាពនៃភាពអាសន្ន នឹងត្រូវបន្តរយៈពេលប្រាំមួយខែទៀតចាប់ពីថ្ងៃទី ១ ខែសីហា”។ របបយោធាធ្លាប់បានសន្យាបោះឆ្នោតថ្មីនៅខែសីហាឆ្នាំនេះ៕
ប្រភព៖ ក្រសួងព័ត៌មាន
