កាលពីថ្ងៃអង្គារ អាជ្ញាធរឧតុនិយមរបស់ប្រទេសចិនបានប្រកាសអាសន្នពណ៌ខៀវជាថ្មីសម្រាប់ព្យុះភ្លៀង។ នេះបើយោងតាមការចេញផ្សាយដោយសារព័ត៌មាន Xinhua។
យោងតាមមជ្ឈមណ្ឌលឧតុនិយមជាតិបានឱ្យដឹងថា ចាប់ពីថ្ងៃអង្គារដល់ម៉ោង ៨ យប់ ថ្ងៃពុធ ភ្លៀងធ្លាក់ខ្លាំង ឬព្យុះភ្លៀងត្រូវបានព្យាករណ៍ថានឹងវាយប្រហារផ្នែកខ្លះនៃខេត្តក្វាងទុង ក្វាងស៊ី យូណាន ហ្គីចូវ ហ៊ូណាន ហ៊ូប៉ី និងអានហ៊ុយ។
មជ្ឈមណ្ឌលបាននិយាយថា តំបន់មួយចំនួននៃតំបន់ទាំងនេះនឹងមានភ្លៀងធ្លាក់ខ្លាំង ដោយមានភ្លៀងធ្លាក់ពី ៣០ មីលីម៉ែត្រទៅ ៧០ មីលីម៉ែត្រក្នុងមួយម៉ោង ក៏ដូចជាមានខ្យល់បក់ខ្លាំង ផ្គរ រន្ទះ និងខ្យល់កន្ត្រាក់ជាដើម។
មជ្ឈមណ្ឌលនេះ បានណែនាំ ដល់រដ្ឋាភិបាលក្នុងតំបន់ និងប្រជាពលរដ្ឋឲ្យមានការប្រុងប្រយ័ត្ន ចំណែកសាលារៀន និងសាលាមត្តេយ្យត្រូវបានស្នើឱ្យធានាសុវត្ថិភាពសិស្ស និងកុមារ ខណៈដែលអ្នកបើកបរត្រូវបានណែនាំឱ្យមានការប្រុងប្រយ័ត្នដោយសារការលិចផ្លូវ និងការកកស្ទះចរាចរណ៍។
ប្រទេសចិន មានប្រព័ន្ធ ព្រមានអាកាសធាតុ បួនជាន់ ដោយ ពណ៌ ក្រហម តំណាង ឱ្យ ការ ព្រមាន ធ្ងន់ធ្ងរ បំផុត បន្ទាប់ មក ដោយ ពណ៌ ទឹកក្រូច លឿង និង ខៀវ។ អាជ្ញាធរបានព្រមានកាលពីដើមខែនេះថា ប្រទេសចិននឹងប្រឈមមុខនឹងគ្រោះមហន្តរាយធម្មជាតិជាច្រើន នៅក្នុងខែកក្កដា រួមទាំងទឹកជំនន់ អាកាសធាតុចុះត្រជាក់ខ្លាំង ព្យុះទីហ្វុង និងសីតុណ្ហភាពកើនឡើងខ្ពស់៕
ប្រភព៖ ក្រសួងព័ត៌មាន
