ប្រព័ន្ធផ្សព្វផ្សាយរដ្ឋបាននិយាយកាលពីថ្ងៃចន្ទថា ប្រទេសកូរ៉េខាងជើងបានបង្កើនកិច្ចខិតខំប្រឹងប្រែងដើម្បីកាត់បន្ថយការខូចខាតដល់ដំណាំនានាពីរដូវវស្សា ដោយនាយករដ្ឋមន្ត្រីរបស់ខ្លួនបានត្រួតពិនិត្យកសិដ្ឋាននៅតាមបណ្តាខេត្តជាច្រើន ដើម្បីអំពាវនាវឱ្យមានការយកចិត្តទុកដាក់ចំពោះការការពារគ្រាប់ធញ្ញជាតិ។
លោក គីម តុកហ៊ុន (Kim Tok-hun) បានអំពាវនាវឱ្យមានការគ្រប់គ្រងដំណាំ «តាមបែបវិទ្យាសាស្ត្រ» និងប្រមូលរុក្ខជាតិស្មៅគ្រប់មធ្យោបាយក្នុងអំឡុងពេលដំណើរទស្សនកិច្ចចុងក្រោយរបស់លោកទៅកាន់កសិដ្ឋាននៅក្នុងតំបន់មួយចំនួន រួមទាំងខេត្តវ៉ាងហេខាងត្បូង និងខេត្តព្យុងហ្គានខាងត្បូង។ នេះបើយោងតាមទីភ្នាក់ងារសារព័ត៌មានកណ្តាលកូរ៉េ (KCNA) ។
ប្រទេសកូរ៉េខាងជើងបានដាក់អាទិភាពកំពូលរបស់ខ្លួនទៅលើកិច្ចការពារដំណាំនៅពេលប្រឈមមុខនឹងវិបត្តិស្បៀងអាហារដែលត្រូវបានធ្វើឱ្យកាន់តែធ្ងន់ធ្ងរឡើងដោយការបិទព្រំដែនដែលទាក់ទងនឹងជំងឺកូវីដ១៩ និងការដាក់ទណ្ឌកម្មជាសកលទៅលើកម្មវិធីនុយក្លេអ៊ែរ និងគ្រាប់មីស៊ីលរបស់ខ្លួន។
អ្នកនាំពាក្យក្រសួង លោក គូ ប្យុងសាម (Koo Byoung-sam) បាននិយាយនៅក្នុងសន្និសីទសារព័ត៌មានមួយថា «យើងស្នើម្តងទៀតឱ្យកូរ៉េខាងជើងចាត់វិធានការដោយស្មោះដើម្បីការពារភាពអសកម្មរបស់ខ្លួនពីការធ្វើឱ្យខូចខាតដល់តំបន់ព្រំដែន»។
កាលពីក្នុងខែតុលា ឆ្នាំ២០០៩ កូរ៉េខាងជើងបានយល់ព្រមជូនដំណឹងដល់កូរ៉េខាងត្បូងជាមុន នៅពេលដែលខ្លួនមានគម្រោងបញ្ចេញទឹកពីទំនប់ បន្ទាប់ពីឧបទ្ទវហេតុដែលបានសម្លាប់ប្រជាជនកូរ៉េខាងត្បូងចំនួន ៦នាក់ បន្ទាប់ពីកូរ៉េខាងជើងបានបញ្ចេញទឹកចេញពីទំនប់វ៉ាងហ្គាងដោយមិនមានការជូនដំណឹងជាមុនកន្លងមក៕
ប្រភព៖ ក្រសួងព័ត៌មាន
