អង្គការនៃប្រទេសនាំចេញប្រេង (OPEC) បានព្យាករណ៍ថា តម្រូវការប្រេងពិភពលោក នឹងកើនឡើង ២,២៥ លានបារ៉ែលក្នុងមួយថ្ងៃ (bpd) ក្នុងឆ្នាំ ២០២៤ ដែលជាកំណើនប្រចាំឆ្នាំ ២,២ ភាគរយ ដូចដែលការរំពឹងទុក គឺកំណើនសេដ្ឋកិច្ចសកលដ៏រឹងមាំ ក្នុងពេលមានការបន្តធ្វើឱ្យប្រសើរ ឡើងនៅក្នុងប្រទេសចិននឹងបង្កើនការប្រើប្រាស់ប្រេង។ នេះបើយោងតាមការចេញផ្សាយដោយសារព័ត៌មាន Xinhua។
នៅក្នុងរបាយការណ៍ទីផ្សារប្រេងប្រចាំខែរបស់ខ្លួនសម្រាប់ខែកក្កដា អង្គការ OPEC បាននិយាយថា ខ្លួនរំពឹងថាតម្រូវការប្រេងពិភពលោកនឹងឈានដល់ ១០៤,២៥ លានបារ៉ែលក្នុងមួយម៉ោង។
អង្គការនេះបានកែប្រែការព្យាករណ៍របស់ខ្លួនបន្តិចសម្រាប់កំណើនតម្រូវការប្រេងពិភពលោកនៅឆ្នាំនេះ ពី ២,៣៥ លានបារ៉ែលក្នុងមួយម៉ោង ទៅ ២,៤៤ លានបារ៉ែលក្នុងមួយម៉ោង ដោយសារតែ តម្រូវការកើនឡើងនៅក្នុងប្រទេសចិន នៅក្នុងត្រីមាសទីពីរនៃឆ្នាំ ២០២៣។
តម្រូវការប្រេងសរុបរបស់ពិភពលោកត្រូវបានព្យាករណ៍ជាមធ្យម ១០២ លានបារ៉ែលក្នុងឆ្នាំនេះ។ អង្គការ OPEC ក៏បានព្យាករណ៍ថា សេដ្ឋកិច្ចពិភពលោកនឹងកើនឡើង ២,៥ ភាគរយនៅឆ្នាំ ២០២៤ ដោយនិយាយថា បណ្តាប្រទេសប្រើប្រាស់ប្រេងសំខាន់ៗ រួមទាំងប្រទេសចិន និងឥណ្ឌា រួមជាមួយនឹង ប្រទេសកំពុងអភិវឌ្ឍន៍មួយចំនួនទៀតនៅអាស៊ី៕
ប្រភព៖ ក្រសួងព័ត៌មាន
