ចិនខិតខំប្រឹងប្រែងរួមគ្នាដើម្បីជួយពិភពលោកឱ្យឆ្លងផុតពីជំងឺរាតត្បាត

មហាសន្និបាតសុខភាពពិភពលោកលើកទី៧៦ (WHA) ដែលផ្តោតសំខាន់ទៅលើ «ការសង្គ្រោះជីវិត និងជំរុញសុខភាពសម្រាប់ទាំងអស់គ្នា» បានបញ្ចប់នៅទីក្រុងហ្សឺណែវ ប្រទេសស្វីស កាលពីថ្ងៃអង្គារ។

WHA នៅក្នុងឆ្នាំនេះត្រូវបានកោះប្រជុំនៅពេលដែលជំងឺរាតត្បាតកូវីដ១៩ លែងជាភាពអាសន្នផ្នែកសុខភាពសាធារណៈនៃការព្រួយបារម្ភជាអន្តរជាតិ ហើយពិភពលោកកំពុងដំណើរការឆ្ពោះទៅរកភាពប្រក្រតីឡើងវិញ។ ក្នុងពេលដ៏សំខាន់នេះ អង្គប្រជុំបានសង្កត់ធ្ងន់ទៅលើតម្រូវការក្នុងការឆ្លុះបញ្ចាំងពីអតីតកាល ពង្រឹងការឆ្លើយតបនឹងជំងឺ និងត្រៀមខ្លួនសម្រាប់ជំងឺរាតត្បាតនាពេលអនាគត និងការគំរាមកំហែងផ្សេងៗទៀត។

សេចក្តីប្រកាសអាសន្នផ្នែកសុខភាពសាធារណៈនៅថ្ងៃទី៣០ ខែមករា ឆ្នាំ២០២២ ដែលជាកម្រិតខ្ពស់បំផុតនៃការព្រួយបារម្ភជាសកលដែលបានបញ្ជាក់នៅក្នុងបទប្បញ្ញត្តិសុខភាពអន្តរជាតិដែលមានការអនុលោមតាមច្បាប់ មិនបាននាំឱ្យមានការឆ្លើយតប និងការសម្របសម្រួលជាបន្ទាន់នៅទូទាំងពិភពលោកនោះទេ។ ប្រឈមមុខនឹងវិបត្តិសុខភាពភ្លាមៗ ប្រទេសផ្សេងៗគ្នាបានធ្វើការជ្រើសរើសផ្សេងៗគ្នាទាក់ទងនឹងយុទ្ធសាស្ត្រឆ្លើយតបរបស់ពួកគេ។

ប្រទេសចិនដែលមានប្រជាជន ១,៤ប៊ីលាននាក់បានជ្រើសរើសយុទ្ធសាស្រ្តដើម្បីការពារសុវត្ថិភាព និងសុខភាពរបស់ប្រជាជនរបស់ខ្លួន។

ប្រធានាធិបតីស៊ែរប៊ី លោក អាឡិចសាន់ឌ័រ វូស៊ីក (Aleksandar Vucic) បាននិយាយថា យើងផ្តល់ជូនពួកគេនូវការដឹងគុណដ៏ធំធេងរបស់យើង ជាពិសេសសម្រាប់ការបញ្ជូនក្រុមអ្នកជំនាញរបស់ពួកគេ។

ចាប់តាំងពីក្រុមគ្រូពេទ្យចិនដំបូងបានទៅដល់ប្រទេសអាល់ហ្សេរីនៅក្នុងឆ្នាំ១៩៦៣ ប្រទេសចិនបានបញ្ជូនបុគ្គលិកពេទ្យប្រហែល ៣០.០០០នាក់ទៅកាន់ប្រទេស និងតំបន់ចំនួន៧៦ នៅទូទាំងទ្វីបទាំង៥ ដែលផ្តោតសំខាន់ទៅលើទ្វីបអាហ្រ្វិក ដោយផ្តល់នូវការធ្វើរោគវិនិច្ឆ័យ និងការព្យាបាលជនជាតិអាហ្រ្វិកចំនួន ២៩០លាននាក់។

លោក ចនស៍ អាល់ប៊ូគ័រគេ (Jones Albuquerque) អ្នកវិទ្យាសាស្ត្រស្រាវជ្រាវនៅមន្ទីរពិសោធន៍កេហ្សូអាសាមី (Keizo Asami) ខាងផ្នែកភាពស៊ាំវិទ្យានៃសាកលវិទ្យាល័យសហព័ន្ធភើណាំប៊ូកូ (Federal University of Pernambuco) បាននិយាយនៅក្នុងបទសម្ភាសន៍មួយកាលពីពេលថ្មីៗនេះថា សំណើរបស់ប្រទេសចិនក្នុងការកសាងសហគមន៍សុខភាពពិភពលោកសម្រាប់ទាំងអស់គ្នា គឺ «ល្អឥតខ្ចោះ»៕

ប្រភព៖ ក្រសួងព័ត៌មាន