ក្រសួងការពារជាតិរុស្ស៊ី បាននិយាយនៅលើបណ្ដាញសង្គមតេឡេក្រាមរបស់ខ្លួនកាលពីថ្ងៃពុធថា រដ្ឋមន្ត្រីការពារជាតិរុស្ស៊ី លោក អានដ្រេយ បេឡូសូវ (Andrei Belousov) និងសមភាគីសហរដ្ឋអាមេរិក លោក ឡយ អូស្ទីន (Lloyd Austin) បានចូលរួមនៅក្នុងការសន្ទនាតាមទូរស័ព្ទដែលផ្តួចផ្តើមដោយភាគីសហរដ្ឋអាមេរិក។
ក្នុងអំឡុងពេលនៃការសន្ទនារបស់ពួកគេ រដ្ឋមន្ត្រីការពារជាតិបានផ្លាស់ប្តូរទស្សនៈស្តីពីស្ថានភាពនៅប្រទេសអ៊ុយក្រែន។
លោក បេឡូសូវ បានសម្តែងការព្រួយបារម្ភអំពីការកើនឡើងដែលកំពុងបន្ត ជាពិសេសការចង្អុលបង្ហាញពីគ្រោះថ្នាក់ ដែលទាក់ទងនឹងការផ្គត់ផ្គង់អាវុធរបស់សហរដ្ឋអាមេរិកជាបន្តបន្ទាប់ដល់ប្រទេសអ៊ុយក្រែន។
ក្រៅពីវិបត្តិនៅអ៊ុយក្រែន រដ្ឋមន្ត្រីក៏បានពិភាក្សាលើបញ្ហាមួយចំនួនទៀតផងដែរ៕
ប្រភព៖ ក្រសួងព័ត៌មាន
