យោងតាមរបាយការណ៍ពីការិយាល័យស្ថិតិទូទៅ វៀតណាម(GSO) ឲ្យដឹងថា ការ នាំចេញទំនិញសរុបរបស់ប្រទេសវៀតណាមក្នុងរយៈពេលពីរខែដំបូងនៃឆ្នាំ ២០២៤ ឈានដល់ ៥៩,៣៤ ពាន់លានដុល្លារអាមេរិកកើនឡើង ១៩,២% បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមការចេញផ្សាយដោយសារព័ត៍មាន Vietnam Plus។ វិស័យសេដ្ឋកិច្ចក្នុងស្រុកមានចំនួន ១៦,១៤ ពាន់លានដុល្លារអាមេរិកកើនឡើង ៣៣,៣% និង ២៧,២% នៃទំហំនាំចេញសរុប។
វិស័យ FDI រួមទាំងប្រេងឆៅមាន ៤៣,២ ពាន់លានដុល្លារអាមេរិកកើនឡើង ១៤,៧% និង ៧២,៨% នៃទំហំនាំចេញសរុប។ ជាពិសេសផលិតផលឈើ និងឈើបានបង្ហាញលទ្ធផលនាំចេញខ្ពស់ក្នុងរយៈពេលពីរខែដំបូងនៃឆ្នាំនេះ។ ការនាំចេញផ្សេងទៀតរួមមាន វាយនភណ្ឌ ស្បែកជើង ដែក គ្រឿងអេឡិចត្រូនិក បន្លែ ផ្លែឈើ អង្ករ និងកាហ្វេ សុទ្ធតែមានកំណើនគួរឱ្យកត់សម្គាល់ បើធៀបនឹងឆ្នាំមុន។
លោក Phung Duc Tien អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទវៀតណាមបានឱ្យដឹងថា ក្នុងខែកុម្ភៈការនាំចេញផលិតផលកសិកម្ម រុក្ខាប្រមាញ់ និងជលផលសរុបសម្រេចបាន ៤,៤៨ ពាន់លានដុល្លារកើនឡើង ២១,៨% បើធៀបនឹងរយៈពេលដូចគ្នាកាលពីឆ្នាំមុន៕
ប្រភព៖ ក្រសួងព័ត៌មាន
