ប្រព័ន្ធផ្សព្វផ្សាយក្នុង ស្រុកបានរាយការណ៍ថា រដ្ឋាភិបាលឥណ្ឌូនេស៊ី មានគោលដៅទាក់ទាញភ្ញៀវទេសចរពី ១ ទៅ ១,៥ លាននាក់ពីប្រទេសចិននៅឆ្នាំ ២០២៤។ នេះបើយោងតាមការចេញផ្សាយដោយសារព័ត៌មាន Xinhua។
លោក Wisnu Sindhutrisno នាយកទីផ្សារទេសចរណ៍ប្រចាំតំបន់មកពីឥណ្ឌូនេស៊ីបាននិយាយថា “កាលពីឆ្នាំមុនយុវជនបានគ្របដណ្ដប់លើចំនួនអ្នកទេសចរចិនប្រហែល ៦៥ ភាគរយ។ ពួកគេចំណាយ ពេលស្នាក់នៅរយៈពេលប្រហែលពី ៥ ទៅ ៧ ថ្ងៃ ហើយចូលចិត្តសកម្មភាពផ្សងព្រេង ធម្មជាតិ និងវប្បធម៌”។ លោកបានបន្ថែមថា “ការមកដល់នៃភ្ញៀវទេសចរទាំងនេះ ត្រូវបានគេរំពឹងថានឹងផ្តល់នូវការចែកចាយប្រកបដោយសមធម៌នៃអត្ថប្រយោជន៍ទេសចរណ៍នៅក្នុងប្រទេសឥណ្ឌូនេស៊ី”។
លោកបានមានប្រសាសន៍ថា ជាការប៉ុនប៉ងដើម្បីឈានទៅដល់គោលដៅឆ្នាំ ២០២៤ រដ្ឋាភិបាល បានផ្តល់អាទិភាពដល់កម្មវិធីផ្សព្វផ្សាយទៅកាន់ប្រទេសចិន ដែលទាក់ទងនឹងភូមិ ផ្ទះសំណាក់ និងគោលដៅជាច្រើនដែលគ្រប់គ្រងដោយសហគមន៍នៅក្នុងភូមិ។ លោក Sindhutrisno បាននិយាយថា “ឧទាហរណ៍នៅក្នុងទីក្រុង Yogyakarta យើងមានផលិតសូកូឡា និងសកម្មភាពងូតទឹកក្របី។ យើងចង់អញ្ជើញពួកគេឱ្យទទួលបានបទពិសោធន៍ ពីសកម្មភាពទេសចរណ៍ទាំងនេះ”៕
ប្រភព៖ ក្រសួងព័ត៌មាន
